قصيدة سامحيني للشاعر عماد زكريا

سامحينى
لوعيونى عنك غفلت
سامحينى
لو وز الشيطان والمشاعر قفلت
مش كفايه اقدملك قربان بسيط
وااايه تكون روح الشهيد ولدى فداكى
تروى التراب بالدمي يندفن كفنه معاكى
عمر الغدر ماصحبته .ولا حابب الخاينين
اللى باعوا العرض والشرف.وحرفوا كلام الدين
دنا ابنك على حجرك انا اتربيت
وبعزفلك مواويلى فى ليالى الصيف
وياما رضعت من نيلك..ودمى خفيف
كفاكى نواح..سبينى اخلص من الخاينين
واترزلك بساط اخضر من الجنه
واعيد واحكى لاحفادى.واحنى اديكى بالحنه
دنا كاتب طريق بكرة هنا وافراح
واغنيلك غنا العاشق فى كل صباح
ولو نمتى اسهرلك جفون عينى
دنا حارس امين ليكى
حزين دمعك بيكوينى
عشان اصحى
اشوف بسمة حبيبتى بريق
واتملى فى جمال سحرك ياعمرى غريق
ندينى وعودى من تانى..خلاص ماليت
لنا حابب اكون بعدك ولاغنيت
يامصر ياحته من قلبى..واقول تانى
ابيع عمرى وابيع نفسى لاوطانى
ساجن عمرى.
حامل على كتفى اكفانى
يااجمل قصه
كاتب اسمك حرووف دمى
انا جيشك..انا شعبك
انا محتاج حنين تانى
ذكر اسمك كمان ربى فى كتاب قران
تاريخ امجاد ومحفوظه
وقول يازمانى
.......................................
نص....شهيد تحت الطلب
بقلمى...عماد زكريا
شاعر الزمن الجميل