للشاعر صابر الشناوي

بقولك وأنت بتودع
ارحمني وخدني ف رحابك
بصومك صدق وبسبح
طالب يارب غفرانك
يا عالم لما تلف وهترجع
هكون موجود وبستمتع
ولا تحت فى ترابك
فيك الرحمه مع الغفران
فيك التواشيح مع القرآن
ولمه عيله بتتجمع
على دعوة في وقت أدان
ياربي إن لك صومنا بكل إيمان
وعلى رزقك بقي فطرنا يا منان
يارب كريم ماتحرمنا
شفاعه الشهر والقرآن
وليله القدر من خيرها
متحرمناش وتعطينا
ونور في القبر من نورها
يونسنا ويحمينا
يا شهر كريم بتوحشنا
امانه عليك ما تنسانا
ويوم العرض على المولى
تكون لينا وويانا
يا إما قبل ما تودع
ترحمني وتخدني ف رحابك
$$$صابر الشناوي$$$